Evangelium secundum Matthaeum*
Caput 13: Versus 47
Sagenae missae.Impletur Jeremiae vaticinium:Ecce ego mitto ad vos piscatores multos[Jer. 16.]. Postquam audierunt Petrus et Andreas, Jacobus et Joannes:Sequimini me, faciam vos piscatores hominum:contexuerunt sibi sagenam ex Veteri et Novo Testamento, et in mare saeculi miserunt, quae usque hodie trahitur, et in fluctibus tenditur: capiens quidquid incidit, bonos et malos, quos ad littus trahit, id est, ad finem mundi, ut tunc fiat divisio. Unde sequitur:Sic erit in consummatione saeculi,etc. Sagenae comparatur Ecclesia vel praedicatio evangelica, quae a fluctibus saeculi ad, coelum trahit.